இசைஞானி இளையராஜாவின் பாடல்களை ஒவ்வொரு ரசிகரும் ஒவ்வொருவிதமாக அனுபவிப்பார்கள். நான் மட்டும் அதற்கு விதிவிலக்கா என்ன? வீட்டிலும், ரோட்டிலும், சில சமயங்களில் வேலையிலும் கூட இசைஞானியின் பாடல்களைக் கேட்காமல் இருக்கவே முடியாது. இருந்தாலும், அமெரிக்காவில் காரில் போகும் போது இசைஞானியின் பாடல்களை கேட்டுக்கொண்டே போவது விவரிக்க முடியாத ஒரு சுக அனுபவமாகவே மாறி 17 ஆண்டுகள் சடாரென்று கடந்து போய்விட்டது.
அந்தக் காலத்தில் “பயணக் கட்டுரை” என்று எழுத்தாளர்கள் வாரா வாரம் தொடர் கட்டுரைகளாக எழுதுவார்கள். லேனா தமிழ்வாணனின் பயணக்கட்டுரைகளை சிறுவனாக ரசித்துப் படித்ததுண்டு.
அது மாதிரி,இங்கு #365RajaQuiz மூலமாக பல நண்பர்களை நேரிலும் இணையத்திலும் சந்தித்து இருக்கிறேன். எப்படி மாஸ்டர் இப்படி ஒவ்வொரு பாட்டையும் தேர்வு செஞ்சுகிட்டே வர்றீங்க? ஏதோ ஒரு தொடர்பு இருக்கற மாதிரியே இருக்கே ன்னு அடிக்கடி அவங்க கேட்டதுண்டு. நான் விமர்சனங்களை எழுதும்போது அவ்வப்போது இவ்வகை காரில் பயணம் செய்த அனுபவங்களைக் குறிப்பிட்டு விளக்கியது உண்டு.
இனிமேல், அழகு சூழ் அட்லாண்டா + ஜார்ஜியாவில் ஆங்காங்கே பயணித்துச் செல்லும்போது, இசைஞானியின் பாடல்கள் ஒலித்துக்கொண்டே வரும் தருணங்களை ஒரு ஒளியும் ஒலியும் வலைப்பதிவாக நேரம் கிடைக்கும் போது எல்லாம் போடலாம் என்று இருக்கிறேன்.
There is a surreal feel behind it. What you hear is the raw audio on the drive. No part of the sound or video was touched. And I want it to be left that way 🙂
இவ்வித அனுபவப் பகிர்வு எனக்காகவும், என் நண்பர்களுக்காகவும்.
இது, அட்லாண்டாவில் இசைஞானி இளையராஜாவின்……
பயணங்கள் முடிவதில்லை — An Arul’s Travelogue.
Silver Comet Trail – இது என் வீட்டுக்கு அருகில் இருக்கும் ஒரு அருமையான இடம். Trailகளில் ஈடுபாடு கொண்ட அனைவருக்கும் இந்த இடம் தெரியும். ஆனால், பரபரப்புக்கு நடுவில் அட்லாண்டாவில் இப்படி ஒரு ஆள் ஆரவாரமற்ற இடம் இருக்கிறதா என்று ஆச்சரியப்படும் மக்கள் மிக அதிகம். இங்கு Single-lane bridge என்பது மிகவும் பிரபலம் (விஷயம் தெரிந்தவர்களுக்கு). பழைய கால மரத்தினால் செய்யப்பட்ட ஒற்றை வழிப்பாதையில் ஒரு வாகனம் மட்டுமே சென்று வர முடியும். கீழே ஒரு சிறிய ஆறு ஓடும். இந்த இடம் எனக்கும் என் மகளுக்கும் மிகவும் பிடிக்கும். சிறு வயதில், இம்மாதிரி இரவு நேரத்தில் நான் அவளை வைத்துக்கொண்டு ஓட்டிச் சென்றாலே, சட்டென்று உறங்கிவிடுவாள். அப்படி ஒரு இதயத்திற்கு இதமான இடத்தில், இசைஞானியின் “மெட்டி” படப் பாடலான “சந்தக் கவிகள் பாடிடும்” பாடலை ஒலித்துக்கொண்டே, சவாரி செய்வது blissful experience அன்றி வேறு என்னவாக இருக்க முடியும்?
வாருங்கள்….சில்வர் காமெட் டிரேயில் — இசைஞானியின் பயணங்கள் முடிவதில்லை.
பயணங்கள் தொடரும்….
rrslm said:
Present sir
Rex Arul said:
😊👍
amas32 said:
நல்ல முயற்சி ரெக்ஸ் 🙂 எல்லாவற்றிற்கும் ஒரு முன்னோடியாக விளங்குவதில் வல்லவர் நீங்கள். இந்தப் புது முயற்சி மூலம் நாங்களும் நீங்கள் பயணித்த இடங்களையும் அதனால் பெற்ற அனுபவங்களையும் பெறப் போகிறோம் என்று நினைக்கையில் மிகவும் மகிழ்ச்சியாக உள்ளது 🙂 ராஜ இசைப் பயணம் என்றும் இனிமை மிக்கது என்று சொல்லவும் வேண்டுமோ! 🙂
amas32
Rex Arul said:
மிக்க நன்றிங்கம்மா. கண்டிப்பா முடியும் போது எல்லாம் இப்படி பதிக்கறேன். At least it will be like going on a jolly ride in and around here with Raaja’s music 😊. Thanks for all the encouragement. As usual, always appreciated.
ரிஷி(@i_vr) said:
உங்களுடன் அமர்ந்து பயணித்தது போலவே இருந்தது… அந்த ஹெலிகாப்டர் interludeல் சட்டென பயணம் (recording) முடிந்தது என்னவோ போல் இருந்தது… ஆனாலும் மிக நல்ல முயற்சி, அனுதினமும் நாம் அனைவரும் (car) பயணங்களில் அனுபவிப்பதை பதிவு செய்து பகிர்வது மிகவும் நல்ல முயற்சி! வாழ்த்துகள் மாஸ்டர்!!!அருமையான இன்னும் பல பயண குறிப்புகளுக்கு காத்திருக்கிறோம்.
மகிழ் திகழ் நன்றி நவிலல் நல்வாழ்த்துகள்!!
Rex Arul said:
மிக்க நன்றி, ரிஷி. தங்களுக்கும் நன்றி நவிலல் நாள் நல்வாழ்த்துக்கள். இசைஞானியின் பாடல்கள் வாழ்க்கையில் பல பேருக்கு தங்கள் வாழ்வியலோடு ஒன்றிப்போன ஒன்று. மெலடி, அடிப்பொலி என்று பாடலை அதன் தன்மையில் இருந்து ரசிப்பதைத் தாண்டி, அன்றாட வாழ்வில் நாம் ஒவ்வொருவரும் எப்படி ஒவ்வொரு பாடலையும் ரசிக்கின்றோம் என்பதில் தான் ராஜா இன்னும் அதிகமாக ஜொலிக்கிறார் என்பது என் கருத்து. அதை ஜாலியாக பகிர்வதின் மூலம் இன்னும் பலருடன் சேர்ந்து பயணத்தை அனுபவிக்க முடியும் என்பது என் சிறு புரிதல். நம்மை கடந்து செல்லும் இருட்டும், காற்றும், வெட்டைவெளியும், மரமும், செடியும் கொடியும், மக்களும், மன உளைச்சலும், கடந்து போகும் தருணமும் ஒரு புறம் இருக்க, காருக்குள் இருக்கும் அமைதியை கிழித்துக்கொண்டு இசைஞானியின் பாடல் மட்டுமே நம்மை முன்னே தள்ளிக்கொண்டு செல்லும் உந்தும் சக்தியாக இருப்பதை, இப்படி capture செய்து பகிர்வதால் எனக்கு மகிழ்ச்சியே. இது மாதிரி நிறைய பேர் அவரவர் ரசனையை விதவிதமாக பகிர்ந்தால் அதை நுகரவும் ஆவலாக உள்ளேன். அதன் வெளிப்பாடாக ஒரு சிறு முயற்சியாகவும் இதை எடுத்துக்கொள்ளலாம். மிக்க நன்றி ரிஷி.
Vijay (@maestroworld) said:
Great initiative Rex!. Traveling with Maestro’s music is like traveling with our best friend. This is time we share our personal experiences with him. That’s the time we and our friend are the only two entities of the world. There is no one else. Maestro induces and brings out our personal experiences through his music that we merely end up pouring out all our memories to our best friend and in turn end up getting generous and positive thoughts from our friend. Who else other than Maestro’s music can be our best friend? Who else other than Maestro’s music can be a best friend to each one of us?
Rex Arul said:
Very well put, Vijay. Thank you. That’s the reason behind these casual posts I am planning to share from time to time. It’s a musical travelogue – Musicalogue – if I can take the liberty to indulge in some neologism there 😝. These are not to share Maestro’s songs — that I was able to do at various other fora. This one is to just the quotidian moments of travel with his ginormous oeuvre. It is a window of life here in US, through the sound waves of the omnipresent Raaja. It’s as simple as that.
tcsprasan said:
ஆஹா அற்புதம் அற்புதம்
Rex Arul said:
மிக்க நன்றி, பிரசன்னா 😊
tcsprasan said:
சந்தக்கவிகள் பாடல் நாங்கள் நடத்திய சீசன் 2ல் கேட்கப்பட்டது என்ற மேலதிக தகவலையும் தெரிவித்துக்கொள்கிறேன்
Rex Arul said:
அட்டகாசம்! 👍👍👍